Nga 1 deri më 3 qershor 2026, në hotelin “Holiday Inn” në Shkup u mbajt me sukses Konferenca MBT 2026, e organizuar nga Ndërmarrja Publike Radiodifuzioni Nacional.

Si platformë rajonale bashkëpunimi ndërmjet operatorëve të rrjeteve dhe infrastrukturës radiodifuzive, Asociacioni MBT edhe këtë vit mblodhi përfaqësues të kompanive kryesore, institucioneve, ekspertëve dhe partnerëve nga rajoni dhe më gjerë, me qëllim shkëmbimin e përvojave, ndjekjen e trendeve teknologjike dhe adresimin e sfidave në fushën e radiodifuzionit dhe komunikimeve elektronike.

Gjatë konferencës u trajtuan tema aktuale si rrjetet transmetuese të gjeneratës së ardhshme, DAB+, zhvillimi dhe zbatimi i 5G Broadcast, siguria e rrjeteve transmetuese dhe infrastrukturës kritike, menaxhimi i spektrit radiofrekuencor në përputhje me politikat evropiane, si dhe efikasiteti energjetik dhe qëndrueshmëria e sistemeve radiodifuzive.

Drejtori i Ndërmarrjes Publike Radiodifuzioni Nacional, Jusuf Sopi, shpreh mirënjohje të sinqertë për të gjithë pjesëmarrësit, ligjëruesit, partnerët, sponsorët dhe mysafirët që kontribuuan në realizimin e suksesshëm të Konferencës MBT 2026.

Faleminderit që ishit pjesë e MBT 2026.